شهد الحروف & قصيدة (( .قلبى والأمل عصفور.)) قلم الشاعر الانيق المتميز //كريم فؤاد

....قلبى والأمل عصفور....
قلبى والأمل عصفور طاروا ف حوارينا
جابوا بدر البدور يحكوا لها علينا.
قالوا وغنوا وحكوا وقال النصيب فينا
يمكن ننول الرضا. ويتسمع لينا
قلت الهوى غلاب. لو يرضوا يوم بينا
قلبى والأمل عصفور طاروا ف حوارينا.
ردوا الهوى عصفور. وقال مفيش نصيب لينا
قلت الأمل موجود. لو في يوم اتسمع لينا
نبنى جدار الحب. ونشدوا امانينا
ونكتب عليه وطن. نفديه بعنينا
لو جار في يوم الذمن. يكون سند لينا
لكن أنت ليه يا حب. عالى كده علينا
دنا قلت كام كلمه لو تتكتب غنوه
يحس بيها الحبيب. قبل المجريح فينا
قلبى والأمل عصفور طاروا ف حوارينا
عينى على بكره. وف قلبى كام فكره
لو كنت يوم تسمع. أجمل حكاوينا
اكتب يا قلم الوجع. واوصف ليالينا
يمكن ف يوم يفتكر. إن الغلا فينا
ويسمع كلام القلب. اللى انوجع فينا
ويحس يوم بالظلم. اللى جرا. لينا
ويرجع بعود الندم. ويبكى بقى علينا
ويعتزر للنصيب. اللى حكم فينا
ويعيش سعيد مبسوط. واجمل امانينا.
قلبى والأمل عصفور. طاروا ف حوارينا
.كلمات. كريم فؤاد