شهد الحروف &قصيدة(( دموع القلب)) قلم الشاعر الانيق : . صبري رسلان

دموع القلب 
.....................
ما أعرفش ليه 
وقت الألم بيباااان عليا 
ويوصي حزني للدموع 
تفضح عينيا ..
كان نفسي أخبيك
يا وجع جوايا فيا
وأداري حزني اللي
إترسم غير ما بيا
وقت السعاده في دنيتي
بقى ضيف يمر ..
عودني أشرب من الهنا
بالغصب مر ..
راح اللي راح من دنيتي
ولا شئ يسر ..
والحزن علم عالجبين
خطين لعمر ..
فيه عمر ولا عيشتوش
والتاني ما عرفتوش
ضاع الأمان ما الروح
من غير أمل ولا ضي
بحلم أقول بكره
يمكن يجيب ذكرى
أنسى الألم وأملا
من ضي فجر وجاي
لا عمري حسيته
ولا فرح ولقيته
تاه إسمي ونسيته
ييجي بكره هنسى المر
وقت الأذان أهو لاح
لبي لصلاه وفلاح
يا قلب نام وأرتاح
شمس الأمل نور جاي
بقلم .. صبري رسلان